|
Kaffihléið mikilvægt í vinnunni |
|
miðvikudagur, 09 júní 2010 |
Kaffihléið mikilvægt í vinnunni
Vinnusálfræðingar hafa áhyggjur af því að kaffihléið á vinnustöðvum sé að hverfa. Í stað þess að samstarfsfólk setjist niður yfir kaffi- eða tebolla og spjalli um vinnuna er orðið algengara að starfsfólk drekki kaffibollann sinn einir fyrir framan tölvuskjáinn. Þetta er að mati Helge Søndergård Hvid, prófessors við Hróarskelduháskóla, mikið áhyggjuefni og hefur neikvæð áhrif á vinnuumhverfið.
Nestlé, sem framleiðir m.a. duftkaffi, hefur rannsakað kaffivenjur Dana í vinnunni. Könnunin leiðir í ljós að 84% allra þeirra sem eru á vinnumarkaði í Danmörku drekka kaffi í vinnutímanum. Í æ fleiri tilvikum drekka starfsmenn hins vegar kaffið sitt einir við tölvuna sína í stað þess að setjast niður með samstarfsfélögunum.
Árið 2008 sögðust 58% svarenda í sambærilegri könnun drekka kaffið sitt í hópi vinnufélagar, en tveimur árum seinna sögðust aðeins 53% gera það. Á sama tíma sögðust 89% svarenda nýta kaffihléið í vinnunni til þess að tala um vinnuna og 50% svarenda töldu að kaffihléið væri góð leið til þess að leysa þau vandamál sem fyrir hendi gætu verið. Sökum þessa telja vinnusálfræðingar að það væri mikill missir af kaffihléum.
„Það skiptir ekki höfuðmáli hvort fólk drekkur kaffi, te eða vatn. Það er sjálft hléið sem er mikilvægt, ekki síst til þess að leysa fyrirliggjandi vandamál. Þannig geta stutt en óformleg hlé haft mjög jákvæð áhrif á vinnandann,“ segir Helge Søndergaard Hvid.
|
|
|
Aðalfundur Félags Flugumsjónarmanna á Íslandi |
|
miðvikudagur, 26 maí 2010 |
|
Aðalfundur Félags Flugumsjónarmanna á Íslandi Aðalfundur Félags Flugumsjónarmanna á Íslandi verður haldinn Þriðjudaginn 01.júní 2010 kl 20:00Fundarstaður er í húsnæði Air Atlanta að Hlíðarsmára 3, 4.hæð Kópavogi. Fundarefni: 1. Kosning fundarstjóra og fundarritara.2. Fundargerð síðasta aðalfundar.3. Skýrsla stjórnar fyrir 2009.4. Reikningar fyrir 2009 lagðir fram.5. Lagabreytingar, ef fram koma. 6. Kosning stjórnar. (Gjaldkera og tveggja meðstjórnenda) 8. Ákvörðun um félagsgjöld starfsárið 2010.9. Yfirferð frá IFALDA fundinum í maí 2010. 10. Önnur mál. Hvetjum alla félagsmenn til að mæta. Stjórninn
|
|
|
miðvikudagur, 08 júlí 2009 |
|
Góðan daginn kæru félagar
Aðalfundur Félagsins var haldinn þann 28.maí og það hefði verið mjög gaman að sjá fleiri koma á fundinn. Farið var yfir það sem var að gerast hjá okkur á síðasta ári, meðal annars var farið yfir ferðinar á Evrópu og Heimsþing Flugumsjónarmanna.
Mál IGS var rætt og ákveðið að þar yrði ekkert gefið eftir, og hefur ekkert verið gefið eftir í því máli! Farið var yfir tillögur að lagabreytingunum og þær samþykktar, með lítilsháttar breytingum þó. Verið er að endurrita sjúkrasjóðslögin og lög félagsins og vonandi tekur það ekki langan tima, lögin munu síðan í framhaldinu verða gerð aðgengileg á vefsíðu okkar.
Stjórnarfundur var haldinn þann 25.júní og var farið yfir málið gegn IGS. Ákveðið var, hvernig sem mál IGS fer, að leita til lögfræðings til að taka reglugerðir sem lúta að starfi, þjálfun og skírteinis flugumsjónarmanns á Íslandi til skoðunar og reyna að fá starfsheitið viðurkennt og að gerð verði krafa um skírteini í lögum. Hlynur kom með hugmyndir og Þorsteinn einnig sem við munum skoða og fara yfir. Ákveðið var að endurskrifa alla kjarasamninga og setja þá í rafrænt form og inná netið þannig að auðveldara verði í framtíðinni að breyta samningum og gefa þá eingöngu út rafrænt.
Málið gegn IGS var tekið fyrir í Félagsdómi þriðjudaginn 30.júní og stóð málfluttningur yfir frá 14:45 til 18:45, stóð okkar fólk sig vel í þessari baráttu og eigum við von á að dómur falli eftir tvær til þrjár viku.
Stjórnin mun senda tilkynningu þegar dómur er fallinn.
Kveðja Sjórnin
|
|
|
|
